गच्छदारले भनेझैं थारू सबैभन्दा ठूलो जनजाति समूह होइन

South Asia Check / शुक्रबार, मंसिर २०, २०७६

किसिमको जनताको विरोध देखिएको छ, आदिवासी जनजातिहरूले आफ्नो आवाज उठाएका छन् । थारूहरू जो यो देशको सबभन्दा ठूलो जनजाति (हुन्), संख्याको (हिसाबले) । साढे १७ लाख थारूहरू यो देशमा बस्दछन्, मेचीदेखि महाकालीसम्म ।

भाषणको अंश सुन्न यहाँ क्लिक गर्नुहोला ।

जनसंख्याका हिसाबले थारू नेपालको सबैभन्दा ठूलो जनजाति समुदाय हो ?

होइन । नेपालको जनगणना २०६८ अनुसार जनजातिमध्ये सबैभन्दा ठूलो समुदाय थारू होइन मगर हो ।

जनगणनाको पूर्ण रिपोर्ट हेर्न यहाँ क्लिक गर्नुहोला ।

गच्छेदारले भनेझैं नेपालमा झन्डै साढे १७ लाख (१७,३७,४७०) अर्थात् नेपालको कूल जनसंख्याको ६.६ प्रतिशत थारू छन् । मगरको जनसंख्या भने १८,८७,७३३ छ, जुन नेपालको कुल जनसंख्याको ७.१ प्रतिशत हो ।

तसर्थ, थारू नेपालको सबैभन्दा ठूलो जनजाति समूदाय हो भनी गच्छदारले गरेको दाबी गलत छ ।

त्यसैगरी २४ अगष्टमा नागरिक दैनिकको अनलाइन संस्करणमा प्रकाशित अन्तवार्तामा गच्छदारले भनेका छन्ः कैलाली र कञ्चनपुरमा साढे चार लाख थारूहरूको बसोबास छ… थारूको कुल जनसंख्या पुगनपुग १८ लाख रहेकामा त्यो दुईटा जिल्लामा मात्र साढे चार लाख थारू छन् ।

अन्तवार्ता हेर्न यहाँ क्लिक गर्नुहोला ।

२०६८* सालको जनगणना अनुसार कैलालीको कूल जनसंख्या ७,७५,७०९ रहेकामा थारूहरूको संख्या ३,२२,११२ छ । त्यस्तै कञ्जनपुरको कुल जनसंख्या ४,५१,२४८ रहेकामा थारूहरूको संख्या १,१५,८७४ छ ।

यी दुई जिल्लामा थारूहरूको जनसंख्या ४,३७,९८६ छ, जुन गच्छेदारको दाबीसँग करिबकरिब मिल्दोजुल्दो छ ।

कैलाली र कञ्चनपुरका गाविस तथा नगरपालिकामा थारुहरूको जनसंख्याको तथ्यांक यहाँ हेर्न पाइन्छः Tharu population in Kailali and Kanchanpur ।

अगष्ट २३ मा बसेको प्रमुख चार दलहरूबीचको बैठकपछि सञ्चारकर्मीसँग बोल्दै गच्छदारले भनेः नेपालको कुल जनसंख्या दुई करोड ६४ लाख रहेकामा तराई-मधेसमा एक करोड ३५ लाख मानिसको बसोबास छ ।’

गच्छेदारको भनाई सुन्न यहाँ क्लिक गर्नुहोला ।

२०६८* को जनगणना अनुसार नेपालमा दुई करोड ६४ लाख ९४ हजार पाँच सय चार रहेकामा तराई-मधेसको जनसंख्या यसको ५०.२७ प्रतिशत अर्थात एक करोड ३३ लाख १८ हजार सात सय पाँच छ, जुन गच्छदारले गरेको दाबीसँग करिबकरिब मिल्दोजुल्दो छ ।

* २०६८ हुनुपर्नेमा यस अघि अन्यथा भएकाले सच्याइएको छ । गल्ति ‌औंल्याइदिनुभएकोमा पाठकप्रति आभारी छौं- सम्पादक ।

सुजित मैनाली / मंगलबार, भाद्र ८, २०७२