खाँडका झुट कुरा

South Asia Check / सोमबार, मंसिर २३, २०७६

नेपाली कांग्रेसका नेता तथा निर्वाचन परिचालन समिति सदस्य बालकृष्ण खाँडले कात्तिक ८ गते कान्तिपुर एफएमसँगको अन्तर्वार्तामा भनेका निम्न कुरा सही छन्/छैनन् भनि साउथ एशिया चेकले जाँचेको छ।

पहिलो भनाइः पछिलो पटक उहाँहरूले कम्युनिष्ट गठबन्धन गर्दा उहाँहरूले जुन खालको उद्घोष गर्नुभएको छ, हामी नेपालमा कम्युनिष्ट शासन व्यवस्था लिएर आउँछौँ र हामीले संविधान पनि आमूल परिवर्तन गरेर अव हामीले एकदमै निरंकुश खालको संविधान बनाएर लान्छौँ भनेर जुन खालको उद्घोष गर्नुभएको छ…

नेकपा–एमाले र नेकपा (माओवादी केन्द्र)बीच भएको चुनावी गठबन्धनको आलोचना गर्ने क्रममा नेता खाँडले यस्तो बताएका हुन्।

नेकपा–एमाले, नेकपा (माओवादी केन्द्र) र नयाँ शक्ति नेपालले २०७४ असोज १७ गते संयुक्त कार्यक्रम गरेर अहिले चुनावी गठबन्धन र चुनावपछि पार्टी एकता गर्ने घोषणा लिखित रूपमै गरेका थिए। घोषणामा नेता खाँडले भनेजस्तो कुरा कतै उल्लेख छैन।

तसर्थ, यो भनाइ गलत छ।

दोस्रो भनाइः २ नम्बर प्रदेशको चुनाव हुने बित्तिकै नेपाली कांग्रेस नै एक नम्बरको अवस्थामा छ । नेपाल कम्युनिष्ट पार्टी (एमाले) दोस्रो अवस्थामा छ ।

निर्वाचन आयोगबाट प्रकाशित स्थानीय निकायका लागि तीन चरणमा भएको निर्वाचन परिणामअनुसार मेयर, उपमेयर, अध्यक्ष र उपाध्यक्ष र वडाध्यक्ष पदमा नेकपा (एमाले) पहिलो स्थानमा छ ।

दुई पार्टीले जितेका सिट

तसर्थ, खाँडको यो भनाइ पनि गलत छ ।

तेस्रो भनाइः हाम्रो पार्टीका नेता पार्टी सभापति प्रधानमन्त्री शेरबहादुर देउवाकै पालामा हामीले स्थानीय निकाय निर्वाचनहरू सम्पन्न गरेका छौँ ।

यहाँ खाँडले स्थानीय निकायका लागि सबै चरणमा भएका निर्वाचन प्रधानमन्त्री शेरबहादुर देउवाकै पालामा भएका हुन् भन्ने भान पार्ने गरी बोलेका छन् । स्थानीय निकायको पहिलो चरणको निर्वाचन हुँदा पुष्पकमल दाहाल प्रचण्ड प्रधानमन्त्री थिए ।

तसर्थ, उनको यो भनाइ आंशिक रूपमा मात्र सही छ ।

सुजित मैनाली / बुधबार, कार्तिक ८, २०७४

यस सामग्रीको सर्वाधिकार पानोस दक्षिण एशियामा रहेको छ । तर southasiacheck.org बाट लिइएको भनी यस सामग्रीलाई उपयोग गर्न सकिनेछ ।

प्रतिकृया दिनुहोस