प्रतिनिधिसभामा अहिलेसम्म पाँच महिला विजयी

South Asia Check / सोमबार, मंसिर २३, २०७६

गत स्थानिय चुनावमा भक्तपुरकाे एउटा निर्वाचन केन्द्रमा भाेट हाल्न लामवद्ध महिला । फाइल तस्विर/साउथ एशिया चेक

भर्खरै सम्पन्न प्रतिनिधिसभाको निर्वाचनमा पाँच जना महिला निर्वाचित भएका छन् । निर्वाचित हुनेहरूमा पवित्रा निरौला (खरेल), पम्फा भुसाल, कमला रोका, दुर्गा पौडेल र बीना मगर छन् ।

नेकपा (एमालेकी) की पवित्रा निरौला खरेलले झापा २ बाट नेपाली कांग्रेसका उद्धव थापालाई हराएकी हुन् । निरौला खरेलले ४५,८१७ मत ल्याएकी थिइन् भने थापाले ३२,०५० मत ल्याएका थिए ।

नेकपा (माओवादी केन्द्र) की पम्फा भुसाल ललितपुर ३ बाट नेपाली कांग्रेसका मदनबहादुर अमात्यलाई हराएर विजयी भएकी हुन् । भुसालले २४,०३६ मत ल्याएकी थिइन् भने अमात्यले २२,३२८ मत ल्याएका थिए ।

नेकपा (माओवादी केन्द्र) की कमला रोकाले रुकुम पूर्वबाट नेपाली कांग्रेसका हरिशंकर घर्तीलाई हराएकी हुन् । उनले १०,४३४ मत ल्याएकी थिइन् भने मगरले ४,४०६ मत ल्याएका थिए ।

यस्तै गरी, राष्ट्रिय जनमोर्चाकी दुर्गा पौडेलले प्युठानबाट नेपाली कांग्रेसका डा. गोविन्दराज पोखरेललाई हराएकी हुन् । पौडेलले ४७,५१४ मत ल्याएकी थिइन् भने पोखरेलले ३१,२८६ मत ल्याएका थिए ।

नेकपा (माओवादी केन्द्र) की बीना मगरले कञ्चनपुर १ बाट ३८,४६७ मत ल्याएर नेपाली कांग्रेसका दिवानसिंह विष्टलाई हराएकी हुन् । विष्टले १९,२१९ मत ल्याएका थिए ।

मतगणना जारी भएका तीन ठाउँमा महिला पहिलो अथवा दोस्रो स्थानमा छन् । सुनसरी ३ की एमालेकी भगवती चौधरी नेकाका विजयकुमार गच्छदारभन्दा र स्याङ्जा २ मा एमालेकी पद्माकुमारी अर्याल नेकाका गोपालमानभन्दा अलिक बढी मत ल्याएका छन् ।

कैलाली १ की मदनकुमारी शाह राष्ट्रिय जनता पार्टी नेपालका रेशमलाल चौधरीभन्दा धेरै मतले पछाडि छिन् । उनको जित्ने सम्भावना छैन ।

सोमबार बिहानसम्मको नतिजा अनुसार नौ जना महिला उम्मेदवारले दोस्रो भएर हार्नुपर्‍यो । उनीहरूमा ८ जना नेपाली कांग्रसका र एक जना एमालेका उम्मेदवार हुन् । ती उम्मेदवार नेकाका उम्मेदवार तेह्रथुमकी सीता गुरुङ, खोटाङकी सरस्वती वजिमय, महोत्तरी २ की किरण यादव, मकवानुपर २ कि महालक्ष्मी उपाध्याय (डीना), काठमाडौँ ३ की अम्बिका बस्नेत, बाग्लुङ १ की चम्पादेवी खड्का, दाङ १ की सुशिला चौधरी, कैलाली ५ की आरजु राणा देउवा र उदयपुर १ की एमाले उम्मेदवार मञ्जुकुमारी चौधरी हुन् । यो चुनावमा एक सय ४६ महिला उम्मेदवार उठेका थिए ।

मोहन मैनाली / सोमबार, मंसिर २५, २०७४

यस सामग्रीको सर्वाधिकार पानोस दक्षिण एशियामा रहेको छ । तर southasiacheck.org बाट लिइएको भनी यस सामग्रीलाई उपयोग गर्न सकिनेछ ।
प्रतिकृया दिनुहोस

थप सामग्री

कसरी लिने क्यु आर कोड सहितको कोभिड खोप प्रमाणपत्र? प्रविण भट्ट/साउथ एसिया चेक स्वास्थ्य तथा जनसङ्ख्या मन्त्रालयकाे पछिल्लाे तथ्यांक अनुसार नेपालको ६९ प्रतिशत जनसङ्ख्यालाई पूर्ण खोप लगाइएको छ भने ७७ प्रतिशतले कम्तिमा एउटा खोप लगाएका छन् । खोप लगाएपछि स... विस्तारमा
के कोभिडको पूर्ण खोप लगाएका मानिसहरूको कोभिडबाट मृत्यु हुन्छ? अमेरिकाका पूर्व विदेशमन्त्री कलिन पावेलको गत कात्तिक १ गते कोभिड-१९ सम्बन्धित स्वास्थ्य जटिलताको कारण मृत्यु भएपछि कोभिड विरुद्धको खोपको प्रभावकारितामाथि चलिरहेको बहस फेरि चुलिएको छ। पावेलले कोभिडको प... विस्तारमा
नेपालमा स्वार्थको द्वन्द्व : जताततै झाँगिदै, छैन गम्भीरता प्रधानमन्त्री शेरबहादुर देउवाले व्यवसायी उमेश श्रेष्ठलाई स्वास्थ्य राज्यमन्त्री नियुक्त गरेपछि उनको ब्यापारिक पृष्ठभूमिका कारण त्यसको विरोध भयो। निजी विद्यालय सञ्चालकका रूपमा चिनिएका श्रेष्ठले पछिल्लो... विस्तारमा